வெற்றியை நோக்கி கொங்குநாடு பேரவை

கொங்குநாடு முன்னேற்ற பேரவை பிரம்மாண்டமான அளவில் அரசியல் எழுச்சி மாநாட்டை நடத்தி கொங்கு மண்டலத்தின் முன்னேற்றத்திற்காக அரசியல் களத்தில் குதித்துள்ளது . தற்பொழுது நாடளுமன்ற தேர்தலுக்கு கொங்கு மண்டலத்தில் வேட்பாளர்களை களம் இறக்கி முழு வீச்சில் பிரச்சாரம் மேற்கொண்டு வருகிறது .கொங்குநாடு கட்சியின் தீவிர பிரசாரத்திற்கு ஈடு கொடுக்கமுடியாமல் கோவை ,பொள்ளாச்சி ,திருப்பூர் ,நாமக்கல் ,ஈரோடு போன்ற தொகுதிகளில் பிற கட்சியினர் பீதி அடைந்து வருகின்றனர் .

கொங்குநாடு வேட்பாளர்களின் தேர்தல் வாக்குறுதிகள் மற்றும் செயல் திட்டங்கள் பற்றிய அறிமுக கூடங்களில் கிடைக்க பெற்ற தகவல் .

திரு .ஈ .ஆர்.ஈஸ்வரன் கோவை தொகுதி வேட்பாளர் கூறியதாவது :

தமிழக அரசுக்கு வருமான வரியாக வரும் பணம் நாப்பத்திரண்டு சதவிகிதம் கொங்கு மண்டலத்தில் இருந்து வருகிறது .ஆனால் அடிப்படை வளர்ச்சியில் பெரும்பாலான பகுதிகள் பின் தங்கியுள்ளது .அதை கருத்தில் கொண்டு நான் வெற்றி பெற்றால் கொங்கு மண்டலத்தின் முன்னேற்றத்திற்கு பாடுபடுவேன் என்று கூறியுள்ளார் .மேலும் கோவை மாநகரின் அடிப்படை கட்டமைப்பு ,சாலைகள் ,திருப்பூர் ,பொள்ளாச்சி ,கோவை ,மேட்டுப்பாளையம் ஆகிய பகுதிகளை இணைக்கும் வகையில் மின்சார ரயில் திட்டம் .விவசாய பொருட்களுக்கு அதிகபச்ச விலை நிர்ணையம் ,மாசுபட்டுள்ள நொய்யல் நதியை மாசிலிருந்து விடுபட சாயகழிவு நீரை அப்புறப்படுத்த நடவடிக்கை எடுப்பேன் என்று கூறியுள்ளார் .

திரு கே .பாலசுப்பிரமணியம் திருப்பூர் தொகுதி வேட்பாளர் கூறியதாவது :

(குன்னத்தூரில் நடந்த அறிமுக கூட்டத்தில் பல தினங்களுக்கு முன் ) கொங்கு மண்டலம் முன்னேற நான் பாடுபடுவேன் .அதே போல் டிராக்டர் ,போர்வெல் தொழிலுக்கு பெயர் போன குன்னத்தூரில் இளைஞர் வேலை வாய்ப்பை உருவாக்கும் விதத்தில் டிராக்டர் ,கம்ப்ரசர் ,போர்வெல் போன்றவற்றுக்கு இந்த பகுதியில் தொழிற்பேட்டை அமைப்பேன் என்று கூறியுள்ளார் .மேலும் பல்லாண்டுகளாக கிடப்பில் கிடக்கும் அவினாசி அத்தி கடவு வாய்கால் திட்டத்தை செயல் படுத்த பாடுபடுவேன் என்று கூறினார் .திராவிட கட்சிகள் மாறி மாறி ஆட்சி செய்து பல லட்ச கணக்கான விவசாய்கள் பயனடையும் இந்த அருமையான திட்டத்தை கிடப்பில் போட்டதற்கு நாம் தகுந்த பாடம் புகுத்த வேண்டும் என்று கூறினார் . மேலும் ஒருலிட்டார் தண்ணீ பதினைந்து ரூபாய்க்கு அதே அளவுதான் ஒரு லிட்டர் பாலுக்கும் கொள்முதல் விலை இப்பொழுது .தான் வெற்றி பெற்றால் பாலின் கொள்முதல் விலை பத்து ருபாய் அதிகரிக்கப்படும் இதன் மூலம் விவசாய பெருமக்கள் பெரும் பயன் அடைவார்கள் என்று கூறினார் .

அதே போல் கொங்கு மண்டலத்தில் பெரும் பிரச்சனையை இருக்கும் சாய கழிவுநீரை அப்புறப்படுத்த துரித நடவடிக்கை எடுப்பேன் என்று கூறினார் .திருப்பூரின் உள்கட்டமைப்பு வசதியை மேம்படுத்துவேன் .போக்கு வரத்து சிக்கல்களை நீக்க நடவடிக்கை ,விசைத்தறி மேம்பாடு கட்டுபடியான நூல் விலை பெற ஆவன செய்வேன் என்று கூறினார்


திரு .பெஸ்ட் .எஸ் .ராமசாமி பொள்ளாச்சி தொகுதி வேபாளர் கூறியதாவது :

விவசாய பகுதி பெரும்பான்மையாக இருக்கும் பொள்ளாச்சி தொகுதியில் தென்னை மர விவசாய்கள் பெரிதும் பயன் படும் வகையில் கள் இறக்க அனுமதி பெற ஆவன செய்வேன் . வேளாண் பொருட்களுக்கு குளிர்பதன கிடங்குகள் அமைக்க ஆவன செய்வேன் ,ஆனைமலையாறு நல்லாறு திட்டங்களை நிறைவேற்றி பாசன வசதிகளை பெருக்குவேன் வால்பாறை பகுதயில் ரோப் கார் திட்டம் ,விவசாயத்திற்கு தடை இல்லா மின்சாரம் போன்ற வற்றை நிறைவேற்றுவேன் .அடிப்படைகிராமபுரங்களில் அடிப்படை கட்டமைப்புகளை நிரவுதல் போன்ற திட்டங்களை செயல் படுத்துவேன் என்று கூறினார் .

கொங்குநாடு வேட்பாளர்களின் பேச்சுகள் ,உரைகள் ,புகை படங்கள் போன்றவற்றை கொங்கு நண்பர்களிடம் இருந்தால் முகவரி மற்றும் உங்கள் புகை படம் ஆகியவற்றை சேர்த்து அனுப்புமாறு கேட்டுகொள்கிறேன் .

தகவல்களை அனுப்ப kongumedia@gmail.com என்ற முகவரிக்கு அனுப்புங்கள்